Dünya

116 nəfərin həlak olduğu təyyarə tapıldı - FOTO

25 İyul 2014 09:34

0 Şərh Baxış: 5 432

VTB-də minimal faiz dərəcəsi ilə nağd kredit 9.9%-dən

#DÜNYADA #FOTOREPORTAJLAR #FOTOSESSİYA #AFRİCA #BURKİNA FASO #MALİ

Əlcəzairin "Swiftair" aviaşirkətinin AH5017 reysi ilə Burkina-Fasonun paytaxtı Uaqaduqu şəhərindən Əlcəzairin paytaxtı Əlcəzairdəki "Huari Bumedin" hava limanına uçan MD-83 təyyarəsinin qalıqları tapılıb.

Təyyarə Əlcəzair-Mali sərhədi yaxınlığında qəzaya uğramışdı.

Malinin Milli Mülki Aviasiya Agentliyinin rəhbəri İssa Sali Mayqanın dediyinə görə, təyyarənin qalıqları aşkarlanıb.

NBC-nin məlumatına görə, təyyarə Malidə düşüb. Əlcəzairin baş naziri Əbdelmalek Sellalın dediyinə görə, təyyarə Malinin şərqindəki Qao bölgəsində, Əlcəzairlə sərhəddən 500 kilometr aralıda qəzaya uğrayıb.

Burkina-Fasonun nəqliyyat naziri Jan Berten Uedraoqo bildirib ki, həddən artıq çətin hava şəraitinə görə MD-83-ün pilotları təyyarə səmaya qalxandan 21 dəqiqə sonra marşrutu dəyişiblər.

Mali prezidenti İbrahim Bubakar Keyta isə deyib: "Təyyarənin qalıqları Aquelhok və Kidal şəhərləri arasında tapılıb".

Əlcəzairin "Air Algerie" aviaşirkətinin İspaniyanın "Swiftair" aviaşirkətindən icarəyə götürdüyü təyyarə uçuşdan 50 dəqiqə sonra radarlardan yoxa çıxmışdı. 2007-2009-cu illərdə bu təyyarədən İspaniyanın "Real" (Madrid) klubu istifadə etmişdi.

Təyyarənin 116 sərnişinin 51-i Fransa, 27-si Burkina-Faso, 8-i Livan, 6-sı Əlcəzair, 6-sı İspaniya, 5-i Kanada, 4-ü Almaniya, 2-si Lüksemburq vətəndaşları idi. Mali, Nigeriya, Misir, Rumıniya, İsveçrə, Ukrayna, Belçika və Kamerunun hərəsinin bir vətəndaşı sərnişinlər arasında idi.

Milli.Az

Böyütmək üçün şəkillərə klikləyin.