Ukraynada dəhşətli faciə: 295 nəfər vuruldu - YENİLƏNİB - VİDEO - FOTO

23:13

Malayziyanın "Malaysian Airlines" aviaşirkətinə məxsus, MH17 reysi ilə Amstermdam-Kuala-Lumpur marpşrutu ilə uçan "Boeing 777" sərnişin təyyarəsində həlak olanların sayı artır.
 

Milli.Az Reuters-ə istinadən bildirir ki, təyyarədə 15 nəfər heyət üzvü və 285 sərnişin olduğu deyilirdi. Lakin ABŞ Daxili İşlər Nazirliyi az öncə bəyanat yayaraq bildirib ki, təyyarədə həlak olanların sayı 300 nəfərdən çoxdur. Sərnişinlər arasında ABŞ-ın 23 vətəndaşı vardı.
 

Ukrayna prezidenti Pyotr Poroşenko "Boeing 777"-in qəzasını terror aktı sayır.
 

Hazırda P.Poroşenkonun sədrliyi ilə Ukrayna Milli Təhlükəsizlik və Müdafəi Şurasının iclası keçirilir. İlkin qərara görə, antiterror əməliyyatının keçirildiyi zonada 7600 metr yüksəkliyədək bütün uçuşlar yasaqlanacaq.
 

Təyyarənin düşdüyü Qrabovo kəndinin ətrafında xilasedicilər işləyir. Artıq 100 cəsəd tapılıb. Təyyarənin qalıqları 15 kilometrlik əraziyə səpələnib.
 

Rusiya prezidenti Vladimir Putin Malayziyanın sərnişin təyyarəsinin qəzasını ABŞ-ın dövlət başçısı Barak Obama ilə telefon söhbətində müzakirə edib.

"Malaysian Airlines"in yerə düşmüş təyyarəsinin sərnişinləri arasında uşaqların az olmadığı da vurğulanır.
 

Malayziyanın baş naziri Mohd Najib Nun Razak Twitter-dəki profilində baş verən olaydan şoka düşdüyünü yazıb: "Bu hadisənin ən qısa müddətdə araşdırılması barədə göstəriş vermişəm". 

----------
21:25

Milli.Az anspress-ə istinadən bildirir ki, bu haqda informasiyanı Ukrayna daxili işlər nazirinin məsləhətcisi Anton Qeraşenko Facebook səhifəsində yazıb.

Onun sözlərinə gorə, Amsterdam - Kuala-Lumpur reysini yerinə yetirən təyyarə Torez yaşayış məntəqəsi üzərində, Donetsk vilayətinin, Şaxtyorsk rayonunun, Qrabovo kəndi yaxınlığında "Buk" zenit raket kompleksi ilə vurulub.

Qəza zamanı 280 sərnişin və 15 ekipaj üzvünün öldüyü bildirilir.

Qeyd edək ki, təyyarənin qəzaya düşməsini Malayziya hava limanının rəsmisi Böyük Britaniyanın Sky News telekanalına müsahibəsi zamanı təsdiq edib.

Xatırladaq ki, təyyarənin düşdüyü ərazi hazırda "Donetsk Xalq Respublikası" tərəfindən idarə edilir.

--------
20:50

Ukraynanın Rusiya sərhədinə yaxın ərazisində Boeing-777 sərnişin təyyarəsi qəzaya düşüb.

Milli.Az anspress-ə istinadən bildirir ki, "Malayziya hava yolları" şirkətinə məxsus təyyarə Amsterdam - Kuala-Lumpur reysini yerinə yetirirdi.

"Rusiya Federasiyasının hava ərazisinə daxil olmağa 50 kilometr qalmış təyyarədə problemlər yaranıb və o, enməyə başlayıb. Nəticədə onu Ukrayna ərazisində yanan halda aşkar ediblər", - aviasiya dairələrindən mənbə bildirib.

Məlumata görə, təyyarənin içində 280 sərnişin və 15 ekipaj üzvü olub.

Rusiya sərhədini layner yerli vaxtla təxminən 17:25-də keçməli idi. Mənbə əlavə edib ki, təyyarə Donetskdən 80 kilometr aralı Snejniy yaşayış massivinə düşüb.
 

Milli.Az

---------
23:46



Böyütmək üçün şəkillərə klikləyin

---------
23:41



---------
22:46



---------
21:33