Dünya

Bu ölkədə parlament, iqtidar partiyası və televiziya binaları yandırıldı

30 Oktyabr 2014 23:49

0 Şərh Baxış: 1 658

VTB-də minimal faiz dərəcəsi ilə nağd kredit 9.9%-dən

#DÜNYADA #BURKİNA FASO

Burkina-Faso Silahlı Qüvvələrinin baş komandanı general Onore Traore ölkə parlamentinin aşağı palatası olan Milli Assambleyanın buraxıldığını və keçid hökumətinin yaradıldığını bəyan edib.

Müvəqqəti hökumət ən uzağı bir il fəaliyyət göstərə bilər. Hökumət başçısının adı açıqlanmayıb.

Milli.Az Reuters-ə istinadən bildirir ki, bu gün Burkina Fasonun paytaxtı Uaqaduqu şəhərində müxalifət tərəfdarları və polis qüvvələri arasında baş vermiş toqquşmalar zamanı azı 5 nəfər ölüb, xeyli sayda yaralıların olduğu bildirilir. Bu iğtişaşlar ölkə prezidenti Bleza Kompaorenin 27-illik hakimiyyəti dövründə ilk irimiqyaslı aksiyadır.

1987-ci ildə hakimiyyətə gəlmiş prezidentin 2015-ci ildə keçiriləcək seçkilərdə yenidən namizədliyini irəli sürə bilməsi üçün ölkə parlamenti bu gün konstitusiyaya müvafiq dəyişikliklərin edilməsi məsələsinə baxmağı planlaşdırıb. Məhz bunun müxalifət tərəfdarlarının kütləvi etirazlarına səbəb olduğu bildirilir.

Aksiya iştirakçıları parlament, paytaxt meriyası və dövlət televiziya mərkəzini ələ keçiriblər. Daha sonra onlar bu binaları, habelə iqtidardakı partiyanın qərargahını yandırıblar.

Burkina-Faso prezidenti Blez Kompaore hökumətin buraxıldığını, ölkədə fövqəladə vəziyyət rejiminin tətbiq olunduğunu bəyvan edib.

Müxalifət lideri Zefirin Diabre isə fövqəladə rejimi tanımadığını bildirirərək prezidenti istefa verməyə çağırıb.

Burkina-Faso müxalifəti ölkədə "Qara bahar"ın başlandığını bəyan ediblər.

B.Kompaore 1987-ci ildə hərbi çevriliş nəticəsində hakimiyyətə gəlib.

Milli.Az