Dünya

Dünyanın ən uzun saçlı qadını: "Onları çox sevirəm" - FOTO

1 Mart 2013 19:39

7 Şərh Baxış: 13 694

VTB-də minimal faiz dərəcəsi ilə nağd kredit 9.9%-dən

44 yaşlı Sen artıq 11 ildir ki, saçlarına qayçı vurmur.
İndi onun saçlarının uzunluğu 2 metrə çatıb.

Milli.Az AsiaOne-a istinadən bildirir ki, Sen hər il saçlarının 50 qramını itirir və bu səbəbdən də tökülən saçlarını yığır, saxlayır.
Fəqət, belə uzun saç saxlamaq asan deyil.

Senin dediyinə görə, başını yumağa 1 saatdan artıq vaxt sərf edir.
Saçlarının quruması isə ən azı gün yarım çəkir.

"Onları çox sevirəm. Saçlarım mənə ağırlıq etmir. Əgər saçlarım ağarmağa başlarsa, onları dərhal rəngləyəcəyəm", - Sen söyləyir.

Çinin Quansi vilayətindəki Qiçjuan şəhərində yaşayan Senin sözlərinə görə, yerli gözəllik salonlarından biri ona saçları üçün 2500 dollar təklif etsə də, rədd cavabı verib.

Boyu vur-tut 1 metr 53 sm olan Sen saçlarının sirrini də açıb: "Onları vannada və ya duşda yuya bilmədiyimdən ayaq üstə durur, su dolu vedrədən yararlanıram. Saçlarımı pivə ilə yuyuram ki, qurumasınlar, qırılmasınlar".

Çindəki "Haunlu Yao" qəbiləsindən olan qadınların da çox uzun saçları olur.
Huanlu Yao kəndində yaşayan qadınların saçlarının orta statistik uzunluğu 1,6-1,8 metr olur. Yaolar hesab edirlər ki, 16 yaşlı qızın saçları nə qədər uzun olarsa, onun varlı, gözəl və ağıllı kişiyə ərə getmək şansı bir o qədər çoxdur.

Milli.Az

Böyütmək üçün şəkillərə klikləyin.