Dünya

Malidə Fransa qoşunları irimiqyaslı əməliyyatlara başlayıblar

28 Yanvar 2013 11:21
0 Şərh     Baxış: 1 019
VTB-də minimal faiz dərəcəsi ilə nağd kredit 10.49%-dən
#MALİ #TİMBUKTU®
Malidə Fransa hərbi qüvvələrinin hökumətə qarşı çıxan üsyançılara qarşı əməliyyatları davam edir. Fransa rəhbərliyinin verdiyi məlumata gürə, ötən gün Mali və Fransa əsgərlərindən ibarət qoşunlar YUNESKO-nun dünyanın mədəni irsi siyahısına düşən Timbuktu şəhərində irimiqyaslı əməliyyatlara başlayıblar.

Milli.Az Anspress-ə istinadən xəbər verir ki, qısa müddət ərzində üsyançılar şəhərin əksər bölgələrindən geri çəkilməyə məcbur ediliblər. Lakin bəzi döyüşlərdə silahlıların Fransız ordusuna qarşı ciddi müqavimət göstərdiyi bildirilir. Əməliyyatçılar, əsasən, əl-Qaidə terror təşkilatının Malinin şimal hissəsində fəal olan Ənsar əd-Din silahlılarına qarşı döyüşdüklərini xəbər veriblər.

Bölgə xalqı isə zorakılıqlardan yaxa qurtarmaq üçün ölkənin cənub hissəsinə - paytaxt Bamako istiqamətində köç etməyə başlayıb. İndiyə kimi artıq Qao, Konna və Diabali şəhərləri üsyançıların işğalından azad edilib. Onu da qeyd edək ki, Timbuktu şəhəri islami və dünyəvi elmlərə aid yüzlərlə əlyazması olan kitabxanalara malikdir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.