Dünya

"İsrail Suriyada Türkiyənin hərbi mövcudluğuna dözməyəcək"

20 Avqust 2026 09:00

Baxış: 455

VTB-də minimal faiz dərəcəsi ilə nağd kredit 9.9%-dən

#TÜRKİYƏ #SURİYA #ISRAEL

İsrailin Baş naziri Benyamin Netanyahu bildirib ki, İsrail özünə təhlükə yaradan Türkiyənin Suriyadakı hərbi mövcudluğuna dözməyəcək.

"Biz İsrail üçün təhlükə yaradan Türkiyənin Suriyadakı hərbi mövcudluğuna dözməyəcəyik", - deyə o bildirib. Netanyahunun açıqlamalarını onun ofisi yayıb.

"Biz mesajı açıq şəkildə çatdırdıq: buna ehtiyac yoxdur. Görünür, bu mesaj kifayət qədər yaxşı eşidilməyib, ona görə də onun daha yaxşı başa düşülməsini təmin etdik", - deyə Netanyahu əlavə edib.

Milli.Az Trend-ə istinadən bildirir ki, daha əvvəl Netanyahunun ofisi bildirmişdi ki, Suriya ölkənin şimalındakı aviabazada Türkiyə qoşunlarının yerləşdirilməsinə imkan verməklə İsraillə təhlükəsizlik sahəsində mövcud status-kvonun "pozulmasına yaxınlaşıb".

Bundan əvvəl Syria TV telekanalı avqustun 18-də İsrail Hərbi Hava Qüvvələrinə məxsus təyyarələrin İdlib əyalətindəki hərbi aerodroma zərbələr endirdiyini iddia edib. Kanalın məlumatına görə, hücumlar maddi ziyana səbəb olub.

Müəllif: Tural Hüseyn (Milli.Az redaktor)