Dünya

215 nəfərin öldüyü vulkan yenidən püskürdü

4 Avqust 2026 13:56

Baxış: 1 096

VTB-də minimal faiz dərəcəsi ilə nağd kredit 9.9%-dən

Qvatemalada Fuego vulkanı yenidən aktivləşib.

Milli.Az xəbər verir ki, dünyanın ən aktiv və təhlükəli vulkanlarından biri hesab olunan Fuego vulkanında güclü püskürmə başlayıb.

Bildirilib ki, vulkanın kraterindən lava axınları çıxır, kül və tüstüdən ibarət iri sütunlar isə göyə qalxır. Artan təhlükə səbəbindən Qvatemalada narıncı təhlükə səviyyəsi elan olunub.

Hakimiyyət vulkanın yaxınlığında yerləşən yaşayış məntəqələrinin sakinlərinin təhlükəsiz ərazilərə təxliyəsinə başlayıb.

Fuego vulkanı Syerra-Madre dağ silsiləsində, Antiqva şəhərindən təxminən 16 kilometr qərbdə yerləşir. Vulkan demək olar ki, daim aktivdir və burada mütəmadi olaraq kül püskürmələri və zəif partlayışlar müşahidə olunur.

Hazırkı püskürmə 2015-ci ildən bu yana doqquzuncu, son dörd il ərzində isə üçüncü güclü aktivlik kimi qiymətləndirilir.

Qeyd edək ki, Fuego vulkanının ən faciəli püskürməsi 2018-ci ildə baş verib. Həmin vaxt lava və piroklastik axınlar nəticəsində 215 nəfər həyatını itirib. 2023-cü ildəki püskürmə zamanı isə təxminən 1700 nəfər təhlükəli ərazidən təxliyə olunmuşdu.

Müəllif: Malik Məlikov (Milli.Az redaktor)