Dünya

İran və ABŞ arasında saziş iyunun 14-də imzalanacaq - Tramp

13 İyun 2026 22:15
Baxış: 374
VTB-də minimal faiz dərəcəsi ilə nağd kredit 9.9%-dən
#IRAN

İran və ABŞ arasında sazişin imzalanması bazar gününə (İyunun 14-ü - Qeyd) planlaşdırılıb.

Milli.Az xəbər verir ki, bu barədə ABŞ Prezidenti Donald Tramp "Truth Social" sosial şəbəkəsində yazıb.

Onun sözlərinə görə, Barak Obamanın prezidentliyi dövründə imzalanmış Birgə Hərtərəfli Fəaliyyət Planı İrana nüvə silahının hazırlanmasına başlamağa imkan verib. Vaşinqton və Tehran arasındakı hazırkı sövdələşmə isə dünyada nüvə təhlükəsizliyinə zəmanət verərək Birgə Hərtərəfli Fəaliyyət Planının tam əksini təşkil edir:

"Mənim İranla sazişim bunun tam əksidir, nüvə silahının olmaması yolunda divardır! Faktiki olaraq, onlar artıq nüvə silahı istəmirlər və ona sahib olmayacaqlar - nə satın alma, nə hazırlama, nə də hər hansı digər əldə etmə forması ilə.

Sövdələşmənin imzalanması sabaha planlaşdırılıb və bundan dərhal sonra Hörmüz boğazı hamı üçün açıq olacaq".

O əlavə edib ki, tərəflər arasındakı münasibətlər əvvəlkindən xeyli yaxşılaşıb. Ağ Ev rəhbəri deyib ki, ABŞ zənginləşdirilmiş uranı da İrandan çıxarmağı planlaşdırır:

"Biz gələcəkdə İranla və bütün Yaxın Şərqlə əməkdaşlığı səbirsizliklə gözləyirik. Ümid edirəm ki, bu proses sürətli və asan keçəcək. Əgər belə olmasa, son alternativimiz mövcuddur. Ümid edirəm ki, onu bir daha heç vaxt tətbiq etmək lazım gəlməyəcək!", - Tramp yekunlaşdırıb./"Report"

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.