Dünya

İran Küveytə ballistik raket atıb

28 May 2026 23:16
Baxış: 340
VTB-də minimal faiz dərəcəsi ilə nağd kredit 9.9%-dən
#IRAN

ABŞ-nin Mərkəzi Qüvvələr Komandanlığı (CENTCOM) İranın Küveytə ballistik raket atması ilə bağlı xəbər yayıb.

Milli.Az xarici mediaya istinadən xəbər verir ki, məlumat komandanlığa məxsus "X" sosial şəbəkəsində paylaşılıb.

Bildirilib ki, mayın 27-də yerli vaxtla saat 22:17-də İran tərəfindən Küveyt istiqamətinə raket göndərilib. Lakin Küveyt hava hücumundan müdafiə qüvvələri onu havada ikən vurublar. Bununla yanaşı, İranın digər istiqamətdən də atəşkəsi pozduğu və 5 dronla hücuma keçdiyi qeyd edilib. Həmin uçuş aparatları ABŞ-nin ərazidəki qüvvələri tərəfindən məhv olunub.

Qeyd edək ki, bu gün səhər saatlarında İranın dövlət televiziyası ölkənin cənubundakı Bender Abbas istiqamətində 3 dəfə partlayış səsinin eşidildiyi barədə məlumat yayıb. Bundan sonra ABŞ İranın cənubundakı hərbi bazaya zərbə endirildiyini təsdiqləyib. Bildirilib ki, həmin baza ABŞ qüvvələrinə və ticari nəqliyyat vasitələrinə təhlükə yaradırmış. İranın buna cavab olaraq Küveyti hədəf aldığı iddia edilir. /"Qafqazinfo"

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.