Dünya

Dünyanın ən yüksək dağı Everest deyilmiş

13 May 2026 20:46
Baxış: 2 315
VTB-də minimal faiz dərəcəsi ilə nağd kredit 9.9%-dən
#DÜNYADA

Ənənəvi coğrafiya kitablarında dünyanın ən yüksək nöqtəsi olaraq qəbul edilən Everest dağı, ölçmə üsulundakı meyar dəyişikliyi ilə zirvədəki yerini itirib.

Milli.Az xəbər verir ki, dağ hündürlüklərinin dəniz səviyyəsi əvəzinə təməl (oturacaq) nöqtəsindən zirvəyə doğru hesablanması, dünya üzərindəki "ən yüksək dağ" tərifini dəyişdirib. Everest dağı dəniz səviyyəsindən olan hündürlüyü ilə ön plana çıxsa da, təməlindən zirvəsinə qədər olan xalis hündürlüyü baxımından digər nəhəng kütlələrdən geridə qalıb.

Everest dağı dəniz səviyyəsindən 8 min 848 metr hündürlükdə yerləşməsinə baxmayaraq, bu hündürlüyün böyük bir hissəsini üzərində dayandığı yüksək relyefli kontinental plitədən alır. Dağın öz təməlindən zirvəsinə qədər olan həqiqi hündürlüyü 3 min 650 ilə 4 min 650 metr arasında ölçülüb. Bu məlumat Everestin kütləvi yüksəkliyinin sanıldığından daha az olduğunu sübut edib.

Havay adalarında yerləşən Mauna Kea vulkanı dəniz səviyyəsindən 4 min 207 metr hündürlüyə sahib olsa da, əsl kütləsi okean dibində yerləşir. Sakit okeanın dibindəki təməl nöqtəsindən etibarən ölçüldükdə Mauna Keanın ümumi hündürlüyü 10 min 200 metrə çatır.

Bu rəqəm Everestin təməldən zirvəyə olan hündürlüyündən təxminən 1.300 metr daha çox olaraq qeydə alınıb. Elmi ölçmələr göstərir ki, Everest "dəniz səviyyəsindən ən yüksək zirvə" ünvanını qorusa da, "planetimizin ən böyük dağ kütləsi" ünvanı Mauna Keaya məxsusdur. Coğrafi rekordların istinad nöqtəsinə görə dəyişməsi, təbiətdəki nəhəng strukturların böyüklük sıralamasını yenidən formalaşdırıb.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.