Dünya

Google əməkdaşları Pentaqona qarşı çıxdı

28 Aprel 2026 15:12
Baxış: 850
VTB-də minimal faiz dərəcəsi ilə nağd kredit 9.9%-dən
#GOOGLE

Yüzlərlə Google əməkdaşı rəhbərlikdən şirkətin süni intellekt texnologiyalarının Pentagon tərəfindən məxfi işlərdə istifadəsinə qadağa qoymağı tələb edib.

Milli.Az xəbər verir ki, bu barədə "The Washington Post" qəzetinin əldə etdiyi məktubda qeyd olunub.

Məktub Sundar Piçaiyə ünvanlanıb.

600-dən çox əməkdaşın, əsasən DeepMind bölməsinin işçilərinin imzaladığı müraciətdə bildirilib ki, süni intellekt insanlığa fayda verməli, qeyri-insani və zərərli məqsədlərlə istifadə olunmamalıdır. Xüsusilə ölümcül avtonom silahlar və kütləvi izləmə sistemləri narahatlıq doğuran sahələr kimi göstərilib.

Məktubda qeyd olunub ki, Google şirkətinin belə fəaliyyətlə əlaqələndirilməməsinin yeganə yolu hərbi qurumlarla bu tip müqavilələr bağlamamaqdır.

Qeyd edək ki, Pentagon rəhbərliyi yaxın vaxtlarda kommersiya süni intellekt texnologiyalarından qanuni məqsədlər üçün sərbəst istifadə etmək istədiyini açıqlamışdı. Bu məsələ texnologiya sektorunda geniş müzakirələrə səbəb olub.

Ayxan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.