Dünya

İngiltərənin lazer silahı gələn il istifadə ediləcək: "Sonsuz sursatı" var - FOTO

5 Aprel 2026 23:24

Baxış: 1 375

VTB-də minimal faiz dərəcəsi ilə nağd kredit 9.9%-dən

#BRİTANİYA

Böyük Britaniya 2027-ci ildə "Type 45" freqatlarına (eskadrilya minadaşıyanlarına) DragonFire lazerini quraşdıracaq. Hər atışı cəmi 10 funt-sterlinq (təxminən 22 AZN) olan bu sistem dronlara və yaxın mənzilli təhdidlərə qarşı "sonsuz sursat" imkanı təqdim edir.

Milli.Az xəbər verir ki, Böyük Britaniya Kraliyyət Donanması enerji əsaslı silah sistemlərini ön cəbhə platformalarına sürətlə inteqrasiya etməyə davam edir. "DragonFire" yüksək enerjili lazer sistemi ölkənin ən qabaqcıl hava hücumundan müdafiə gəmiləri olan "Type 45" sinfinə aid gəmilərə 2027-ci ildən etibarən quraşdırılacaq. Mart ayında edilən açıqlamaya görə, proqramın icra müddəti planlaşdırılandan 5 il önə çəkilib.

"DragonFire" xüsusilə dronlar, minaatan mərmiləri və kiçik qayıqlar kimi yaxın mənzilli təhdidlər üçün optimallaşdırılıb. Bu növ təhdidlər adətən sayca çox və ucuz maliyyəli olduğu üçün onları bahalı raketlərlə vurmaq iqtisadi cəhətdən səmərəli deyil. Belə ki, bir raketin atışı yüz minlərlə dollara başa gəldiyi halda, lazerin hər atışının maliyyəti cəmi 10 funt-sterlinqdir.

Sistem enerji ilə işlədiyi üçün hədəfləri ardıcıl olaraq zərərsizləşdirə bilir və sursat anbarlarından asılılığı aradan qaldırır. Mühəndislər bunu "sonsuz sursat" adlandırırlar, çünki silahın "gülləsi" gəminin enerji istehsalı və soyutma qabiliyyəti ilə məhdudlaşır.

"Type 45" freqatları hazırda "Sea Viper" hava hücumundan müdafiə sistemi və "Aster" raketləri ilə təchiz olunub. "DragonFire"-ın inteqrasiyası bu arxitekturaya yeni, kinetik olmayan (fiziki mərmi atmayan) bir müdafiə qatı əlavə edəcək. Bu isə raket ehtiyatından asılılığı azaldacaq və lojistik yükü yüngülləşdirəcək.

Lalə Qüdrətova
Milli.Az