Dünya

Tramp HƏDƏLƏDİ: Hörmüz boğazı 48 saat ərzində açılmasa...

22 Mart 2026 09:03

Baxış: 748

VTB-də minimal faiz dərəcəsi ilə nağd kredit 10.49%-dən

#IRAN #ABŞ #DONALD TRAMP

ABŞ Prezidenti Donald Tramp bəyan edib ki, Hörmüz boğazı 48 saat ərzində gəmiçilik üçün tam açılmazsa, ABŞ İranın elektrik stansiyalarına zərbələr endirəcək.

Milli.Az AZƏRTAC-a istinadən bildirir ki, o, bu barədə "Truth Social" hesabında yazıb: "Əgər İran Hörmüz boğazını 48 saat ərzində tam və təhlükəsiz şəkildə açmasa, ABŞ ən böyüyündən başlayaraq müxtəlif elektrik stansiyalarına zərbə endirəcək və onları məhv edəcək".

Bundan əvvəl, martın 11-də İran Silahlı Qüvvələrinin rəsmisi bildirmişdi ki, İran bu strateji marşrutdan ABŞ və müttəfiqləri ilə əlaqəli yanacaq daşımalarına icazə verməyəcək.

Martın 15-də isə rəsmi Tehran Hörmüz boğazında gəmiçilik üzərində nəzarət tədbirləri daxil olmaqla, bütün vasitələrdən istifadə edə biləcəyi barədə xəbərdarlıq edib.

Milli.Az