Dünya

Meksikada iğtişaşlar zamanı həbsxanadan 23 məhbus qaçıb

24 Fevral 2026 10:54
Baxış: 544
VTB-də minimal faiz dərəcəsi ilə nağd kredit 9.9%-dən
#MEKSİKA

Ən azı 23 nəfər Meksikanın Xalisko ştatının Puerto-Valyarta şəhərində yerləşən regional həbsxanadan qaçıb. Qaçış narkokartel "Yeni Nəsil Xalisko"nun liderinin zərərsizləşdirilməsindən sonra baş verən iğtişaşlar zamanı qeydə alınıb.

Milli.Az xəbər verir ki, NMas telekanalının məlumatına görə, bu barədə ştatın ictimai təhlükəsizlik katibi Juan Pablo Hernández açıqlama verib.

"Hazırda yoxlamalar zamanı əldə olunan məlumata əsasən, azadlıqdan məhrum edilmiş 23 nəfər qaçıb. Onların saxlanılması üçün federal qurumlara müvafiq bildirişlər göndərilib", - deyə o bildirib.

Rəsminin sözlərinə görə, iğtişaşlar zamanı məhbusların əlbir olduğu şəxslər həbsxananı atəşə tutub, daha sonra avtomobil vasitəsilə darvazanı dağıdaraq obyektə daxil olublar. Baş verən atışma nəticəsində müəssisənin 1 mühafizəçisi həlak olub.

Meksikanın Milli Müdafiə Nazirliyi 22 fevral tarixində narkokartel "Yeni Nəsil Xalisko"nun lideri Ruben Oseguera Cervantesin zərərsizləşdirildiyini açıqlayıb. Bildirilib ki, o, təhlükəsizlik qüvvələri ilə silahlı toqquşma zamanı ağır yaralanıb və hərbi hospitala hava yolu ilə aparılarkən ölüb.

Xüsusi əməliyyatdan sonra ölkə üzrə avtomobil yollarının kütləvi bağlanması, nəqliyyat vasitələrinin və kommersiya obyektlərinin yandırılması halları qeydə alınıb. Meksika prezidenti Claudia Sheinbaum isə 23 fevral tarixinə ictimai təhlükəsizlik sahəsində vəziyyətin tam nəzarətə götürüldüyünü bildirib.

Ayxan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.