Dünya

Gündüzlər keşiş olur, gecələr DJ - FOTO

29 Yanvar 2026 01:01

Baxış: 294

VTB-də minimal faiz dərəcəsi ilə nağd kredit 10.49%-dən

#DÜNYADA #MARAQLI

Portuqaliyalı katolik keşiş Guilherme Peixoto qeyri-ənənəvi fəaliyyəti ilə geniş müzakirələrə yol açıb. Gündüzlər kilsədə ibadət və ayinlər keçirən keşiş gecələr isə "Padre Guilherme" adı altında DJ kimi səhnəyə çıxır.

Milli.Az xəbər verir ki, 52 yaşlı ruhani elektron musiqi ifaları ilə kilsələrdən və universitet kampuslarından tutmuş gecə klubları və açıq hava tədbirlərinədək müxtəlif məkanlarda çıxış edir. Onun bu fəaliyyəti xüsusilə gənclər arasında böyük maraq doğurub.

Sosial mediada 2,7 milyondan çox izləyicisi olan Peixoto qısa müddətdə böyük auditoriya toplayıb.

Qeyd edək ki, bu qeyri-ənənəvi yanaşma Katolik dünyasında müzakirələr doğursa da, Peixoto musiqinin kilsədən uzaq olan insanlarla ünsiyyət qurmaq üçün effektiv vasitə olduğunu düşünür.

Fidan
Milli.Az