Ölkə

Muğanlı–İsmayıllı avtomobil yolunun 5,2 km-lik hissəsi təmir olunub

19 May 2026 18:50
Baxış: 321
VTB-də minimal faiz dərəcəsi ilə nağd kredit 9.9%-dən
#YOL

Muğanlı-İsmayıllı avtomobil yolunun 5,2 kilometrlik hissəsində aparılan əsaslı təmir işləri yekunlaşıb. Yolun istismar müddətində deformasiyaya uğramış hissələrinin bərpası və nəqliyyatın təhlükəsiz hərəkətinin təmin olunması məqsədilə ərazidə kompleks tədbirlər həyata keçirilib.

Milli.Az xəbər verir ki, bu çərçivədə köhnə və yararsız asfalt örtüyü xüsusi texnikalar vasitəsilə frezlənərək kənarlaşdırılıb, daha sonra həmin hissəyə yeni asfalt-beton örtüyü döşənib. Bununla yanaşı, sürüşmə nəticəsində zədələnmiş ərazidə bərpa işləri aparılıb, torpaq kütlələri təmizlənərək yol yatağı möhkəmləndirilib.

Aparılan işlər çərçivəsində yolun texniki göstəricilərinin yaxşılaşdırılması, nəqliyyat vasitələrinin daha rahat və təhlükəsiz hərəkətinin təmin olunması əsas prioritet olub. Yenilənmiş yol hissəsi həm sürücülərin rahat gediş-gəlişinə, həm də ərazidə nəqliyyat axınının fasiləsiz təşkilinə imkan yaradıb.

Görülən tədbirlər nəticəsində Muğanlı-İsmayıllı avtomobil yolunda hərəkətin təhlükəsizlik səviyyəsi artırılıb və yol infrastrukturunun dayanıqlılığı daha da gücləndirilib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.