Şou-biznes

"9 aylıq körpəmi İTİRDİM, getsinlər uşaqlarının qəbrinin yerini tanısınlar"

19 May 2026 13:49

Baxış: 678

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #AİLƏ #MÜĞƏNNİ #ŞOU #HAMİLƏLİK

Müğənni Əminə Şirin şəxsi həyatı ilə bağlı etdiyi təsirli açıqlama ilə diqqət çəkib.

Milli.Az xəbər verir ki, sənətçi dünyasını dəyişən övladından danışarkən kövrək anlar yaşayıb.

Əminə bildirib ki, ilk evliliyindən olan övladı 9 aylıq ölü doğulub və bu hadisə onun həyatında dərin iz buraxıb:

"Birinci evliliyimdən olan uşaq 9 aylıq ölü doğulmuşdu. Ona görə də 'ilk evliliyimdən nə yaxşı ki ana olmadım' sözünü deyə bilmərəm".

Müğənni dünyasını dəyişən körpəsinə anasının adını vermək istədiyini də etiraf edib:

"Həmin övladıma anamın adını qoymaq istəyirdim - Xatirə. Hətta Fatimə dünyaya gələndə də anama dedim ki, Xatirə qoyaq yenə. Dedi ki, yox, Xatirə getdi".

İfaçı hazırda 14 yaşlı qızı Fatimədən də söz açıb və ilk övladının yaşasaydı 17 yaşında olacağını bildirib.

Əminə Şirin ilk həyat yoldaşı barədə danışmaq istəmədiyini vurğulayaraq bunları deyib:

"Allahın verdiyi pay idi, belə məsləhət gördü. Kifayət qədər dərd çəkmişəm, ağlamışam da...".

Müğənninin ən çox diqqət çəkən fikirlərindən biri isə keçmiş həyat yoldaşına ünvanladığı sözlər olub:

"Mənim haqqım kimlərinsə üzərində olar, mənim üzərimdə heç birinin haqqı yoxdur. Getsinlər uşaqlarının qəbrinin yerini tanısınlar, sonra qürrələnib gəzsinlər".

Sənətçinin bu emosional etirafı sosial şəbəkələrdə geniş müzakirələrə səbəb olub. İzləyicilər onun yaşadığı acının çox ağır olduğunu qeyd edərək müğənniyə dəstək mesajları yazıblar.

Musa
Milli.Az