Kiçik dükanı fabrikə çevirdi: İldə 129 milyon qazanan gənc nəhəng şirkətlərə meydan oxuyur

Türkiyədə cəmi bir neçə il əvvəl kiçik bir dükanla işə başlayan gənc sahibkar doğru strategiya və əzmkarlıq sayəsində öz brendini quraraq böyük bir uğura imza atıb. Bu gün o, illik 129 milyon lirəlik dövriyyəsi ilə sektorun nəhəng şirkətləri ilə rəqabət aparır.

Milli.Az uğur hekayəsinin əsas məqamlarını təqdim edir:

Gənc sahibkar biznesinə çox məhdud büdcə və kiçik bir məkanla başlayıb. O, bazardakı boşluğu düzgün təhlil edərək, insanların ehtiyac duyduğu, lakin keyfiyyətli alternativini tapa bilmədiyi məhsul istehsalına fokuslanıb.

O, bu işə çox kiçik bir dükanda avtomobil döşəmələri və xüsusi dizaynlı ayaqaltılar tikərək başlayıb. Bazarda olan standart və keyfiyyətsiz plastik ayaqaltıların əvəzinə, hər avtomobil modelinə tam uyğun gələn, yüksək keyfiyyətli və estetik görünüşlü 3D/4D hovuzlu paspaslar istehsal etməyə fokuslanıb.

Hazırda onun qurduğu "Sahler" markası nəinki Türkiyədə, hətta dünyanın bir çox ölkəsində tanınır və nəhəng avtomobil markalarının orijinal aksesuarları ilə rəqabət aparır. Əsasən avtomobillər üçün xüsusi dizaynlı rezin və ekoloji təmiz ayaqaltılar, yüksək texnologiya ilə hazırlanan, maye keçirməyən və qoxusuz avtomobil döşəmə aksesuarları istehsal edir.

Məhsullarını internet üzərindən dünyaya tanıdan gənc, qısa müddətdə xaricdən sifarişlər almağa başlayıb.

Nəhəng şirkətlərin çox baha satdığı məhsulları daha əlçatan qiymətə, lakin eyni keyfiyyətdə təqdim edərək müştəri loyallığı qazanıb.

Tələbat artdıqca kiçik dükan artıq ehtiyacları qarşılamayıb. Qazandığı gəliri dərhal işini böyütməyə və texnologiyaya yatıran sahibkar, indi onlarla insanın çalışdığı müasir bir fabrikə rəhbərlik edir.

Gənc sahibkardan tövsiyələr:
"Heç vaxt vaz keçməyin": İlk aylarda çətinliklərlə qarşılaşsa da, məhsuluna inandığı üçün geri addım atmayıb.

"Yenilikçi olun": Sektordakı trendləri izləmək və müştəri rəylərinə əsasən məhsulu təkmilləşdirmək uğurun açarıdır.

Lalə Qüdrətova
Milli.Az