Dünya

Tramp: "Mən kralam..."

6 Yanvar 2026 21:30

Baxış: 1 755

VTB-də minimal faiz dərəcəsi ilə nağd kredit 9.9%-dən

#DONALD TRAMP

ABŞ Prezidenti Donald Tramp Venesuelaya qarşı həyata keçirilən hərbi müdaxilədən sonra diqqətçəkən açıqlamalar verib. Tramp ABŞ-nin hərbi gücü ilə öyünərək, özünü "kral" və uğurlu bir "satış mütəxəssisi" kimi təsvir edib.

Milli.Az xəbər verir ki, Tramp ABŞ ordusunun texnoloji üstünlüyünü vurğulayaraq bildirib:

"Venesuelada keçirdiyimiz əməliyyatı kimsə edə bilməzdi, çünki heç kimdə bizdəki kimi silahlar yoxdur. Silahlarımız çox güclüdür, hətta müttəfiqlərimiz də bizim təyyarələrimizi və silahlarımızı almaq istəyirlər."

Prezident müdaxilə zamanı Venesuelanın demək olar ki, hər yerində elektrik enerjisinin kəsildiyini qeyd edib: "O an bir problem olduğunu anladılar. Yalnız şamı olanların işığı var idi."

Nikolas Maduronu şiddətə meylli olmaqda və milyonlarla insanın ölümünə səbəb olmaqda ittiham edən Tramp, maraqlı bir iddia da irəli sürüb:

"O, zorakı bir adamdır. Səhnədə mənim rəqsmi təqlid etməyə çalışdı."

Tramp həmçinin yeni ticarət siyasətlərinə toxunaraq, tətbiq edilən gömrük rüsumları sayəsində ABŞ-nin daha da zənginləşdiyini qeyd edib.

Özünün biznes bacarıqlarından bəhs edən Tramp "Mən kralam. Hər kəsdən daha çox 'Boeing' təyyarəsi satmışam. Mənə 'İlin satış məsləhətçisi' mükafatını verdilər." deyə əlavə edib.

Lalə Qüdrətova
Milli.Az

Milli.Az - Xəbər Portalı

Tramp: "Mən kralam..."

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?