Dünya

Növbəti il üçün ən çox bu mövzular axtarışa verilir

1 Yanvar 2026 23:47

Baxış: 264

VTB-də minimal faiz dərəcəsi ilə nağd kredit 10.49%-dən

#DÜNYADA

Yeni ilin ilk günündə dünya üzrə internet axtarışlarında 2026-cı illə bağlı maraq kəskin şəkildə artıb.

Milli.Az-ın məlumatına görə, qlobal axtarış trendləri göstərir ki, istifadəçilər yeni ilin onlara nə vəd edəcəyini, hansı dəyişikliklərin gözlənildiyini və 2026-nın simvolik mənasını araşdırırlar.

Ən çox axtarılan mövzular üzrə ilk pillədə 2026-nın Çin təqviminə görə "Alovlu At ili" olması gəlir. "Fire Horse Year" ifadəsi xüsusilə ABŞ, Avropa və Asiya ölkələrində trendə çevrilib. İnsanlar bu ilin hansı enerjini gətirəcəyi, karyera və şəxsi həyatda hansı dəyişikliklərin mümkün olacağı ilə maraqlanırlar.

Astroloji proqnozlar da axtarışlarda ön sıradadır. "2026 üçün proqnozlar", "hansı bürclər 2026-da şanslıdır" kimi suallar ən çox verilən sorğular arasındadır.

Bununla yanaşı, 2026 ilə bağlı texnologiya və qlobal trendlər də geniş maraq doğurur. Süni intellektin inkişafı, yeni texnoloji yeniliklər, iş bazarındakı dəyişikliklər və gələcək planlaması ilə bağlı axtarışlar artıb. Bu isə göstərir ki, istifadəçilər yeni ilə təkcə astroloji deyil, praktiki gözləntilərlə də yanaşırlar.

Yeni ilin ilk günlərində bu mövzuların trendə çevrilməsi oxucuların gələcək barədə daha çox sual verdiyini göstərir.

Milli.Az