Dünya

Meksikada zəlzələ oldu, prezident konfransı yarımçıq kəsdi

2 Yanvar 2026 23:20

Baxış: 1 007

VTB-də minimal faiz dərəcəsi ilə nağd kredit 9.9%-dən

#DÜNYADA #ZƏLZƏLƏ #MEKSİKA

Meksika Prezidenti Klaudia Şeynbaumun mətbuat konfransı zamanı zəlzələ baş verib.

Milli.Az xəbər verir ki, Meksikanın Qerrero ştatında baş verən 6,5 bal gücündə zəlzələ paytaxt Mexikoda da ciddi hiss edilib. Prezident mətbuat konfransına başladıqdan qısa müddət sonra səslənən seysmik xəbərdarlıq siqnalları səbəbindən çıxışını yarımçıq dayandıraraq zalı tərk etməli olub.

"Associated Press" agentliyinin yaydığı məlumata görə, hadisə canlı yayım zamanı baş verib və Prezident Şeynbaum jurnalistləri təhlükəsizlik qaydalarına əməl etməyə çağıraraq təxliyə olunub.

Yerli seysmoloji xidmətlər yeraltı təkanların episentrinin Qerrero ştatının sahil bölgəsi olduğunu və episentrdə dağıntı riskinin yüksək olduğunu bildiriblər.

Meksika mülki müdafiə rəsmiləri hazırda zədələnmiş binaların və mümkün itkilərin müəyyən edilməsi üçün bölgədə monitorinqlər aparır. İlkin məlumatlara görə, paytaxt Mexikoda ciddi dağıntı qeydə alınmasa da, əhali arasında qısamüddətli panika yaşanıb. Prezident Şeynbaum bir müddət sonra sosial media hesabından vətəndaşlara səslənərək vəziyyətin nəzarət altında olduğunu bildirib.

Qeyd edək ki, zəlzələ nəticəsində Qerrero və ətraf ştatlarda bəzi magistral yollarda uçqunlar baş verib, rabitə əlaqəsində kəsintilər yaranıb.

İsmayıl
Milli.Az