Dünya

Ukrayna-Rusiya dialoquna yeni addım

25 Noyabr 2025 13:44
Baxış: 798
VTB-də minimal faiz dərəcəsi ilə nağd kredit 9.9%-dən
#DÜNYADA

ABŞ-in ordu naziri Den Driskoll Ukrayna Baş Kəşfiyyat İdarəsinin rəisi Kirill Budanov və Rusiya nümayəndələri ilə qapalı danışıqlar üçün Əbu-Dabiyə gedib.

Milli.Az xəbər verir ki, Vaşinqton müharibənin tez bitməsi üçün sülh sazişi danışıqlarını intensivləşdirib. Bazar ertəsi axşamı başlayan görüşlər bu gün də davam edir.

ABŞ rəsmilərinin sözlərinə görə, Driskollun səfəri Cenevrədə aparılan məsləhətləşmələrin davamıdır. Həmin görüşlərdə Tramp Administrasiyasının irəli sürdüyü 28 bəndlik plan Ukrayna üçün qəbul edilə bilən 19 bəndə endirilib. Daha həssas məsələlərin isə prezidentlər səviyyəsində müzakirəsi nəzərdə tutulur.

Əbu-Dabidəki danışıqlara paralel olaraq, dövlət katibi Marko Rubio və xüsusi elçi Stiv Uitkoff da öz kanalları ilə diplomatik fəaliyyət göstərirlər. Ağ Ev detalları şərh etməsə də, Ukraynanın Driskollun missiyası barədə tam məlumatlı olduğu bildirilir.

Zelenski tərəfindən nümayəndə heyətinə daxil edilən Budanov Rusiya ilə azsaylı əlaqə kanallarından birini qoruyaraq daha əvvəl böyükmiqyaslı hərbi əsir mübadilələrinin təşkilinə nail olmuşdu.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.