Dünya

“Putin konkret tapşırıq verib..." - Ordu generalı

2 Noyabr 2025 16:00

Baxış: 1 326

VTB-də minimal faiz dərəcəsi ilə nağd kredit 9.9%-dən

#DÜNYADA

"Rusiya Konstantinovka və Kramatorska doğru irəliləməyə çalışır".

Milli.Az-ın xəbərinə görə, Ukraynanın keçmiş Xarici Kəşfiyyat Xidmətinin rəhbəri, ordu generalı Nikolay Malomuj bildirib ki, Rusiya qüvvələri Pokrovsk və Mirnoqrad şəhərlərini ələ keçirdikdən sonra Konstantinovka və Kramatorska istiqamətində irəliləməyə çalışır.

Generalın sözlərinə görə, bu əməliyyatlara xüsusi seçilmiş desant-hücum qüvvələri, dəniz piyadaları və xüsusi təyinatlı bölmələr cəlb olunub.

"Putin konkret tapşırıq verib və əməliyyatı iki həftə ərzində yerinə yetirmək üçün əlavə resurslar ayrılıb", - deyə Malomuj vurğulayıb.

Ukrayna tərəfi də müdafiəni gücləndirib, xüsusən xüsusi təyinatlılarla. General deyib ki, 7-ci desant-hücum korpusu şəhərin təmizlənməsi, düşmənin müəyyən sektorlardan sıxışdırılması və şəhərə daxil olmağa cəhd edən qrupların qarşısının alınması üçün əsas bölmə kimi fəaliyyət göstərir.

Bundan əlavə, Ukraynanın Xüsusi Əməliyyat Qüvvələri, Hərbi Kəşfiyyat Baş İdarəsinin bölmələri və general Budanov diversiya qruplarına qarşı aktiv şəkildə hərəkət edir.

"Hazırda şəhərdə təhlükəsizliyi təmin edə biləcək bütün bölmələr işə salınıb", - deyə Malomuj qeyd edib.

Kənan
Milli.Az