Dünya

Trampın III Karla hədiyyəsi mətbuata məlum oldu

18 Sentyabr 2025 10:22
Baxış: 1 782
VTB-də minimal faiz dərəcəsi ilə nağd kredit 9.9%-dən
#DÜNYADA #ABŞ #DONALD TRAMP #BRİTANİYA #İNGİLTƏRƏ

ABŞ Prezidenti Donald Tramp və həyat yoldaşı Melaniya Londona səfəri zamanı Britaniya kralı III Karl və kraliça Kamillaya xüsusi hədiyyələr təqdim ediblər.

Milli.Az xəbər verir ki, bu barədə "Sky News" "Buckingham" Sarayındakı mənbələrə istinadla məlumat yayıb.

Tramp və Melaniya III Karl üçün keçmiş ABŞ Prezidenti və hərbi rəhbər Duayt Eyzenhauerin qılıncının surətini hədiyyə ediblər. Mənbələrin sözlərinə görə, Eyzenhauerin qılıncı ABŞ və Böyük Britaniya arasında tarixi əməkdaşlığı və müasir münaqişələrdəki əhəmiyyətli tərəfdaşlığı simvolizə edir.

Kraliça Kamillaya isə "Tiffany & Co" şirkətinin 18 karatlıq qızıl, brilyant və rubinlərlə bəzədilmiş çiçək formalı broşu təqdim olunub.

Xatırladaq ki, Tramp və həyat yoldaşı 17 sentyabrda Londona gəlib. Səfər çərçivəsində ölkələr arasında elmi, texnologiya və mülki nüvə energetikası sahələrində 10 milyard dollardan çox dəyərində əməkdaşlıq sazişləri imzalanacaq.

İsmayıl
Milli.Az

 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.