Dünya

ABŞ-dən Zəngəzur dəhlizi ilə bağlı İran və Rusiyaya XƏBƏRDARLIQ

13 Avqust 2025 13:00

Baxış: 2 120

VTB-də minimal faiz dərəcəsi ilə nağd kredit 9.9%-dən

#ABŞ #ZƏNGƏZUR DƏHLİZİ

ABŞ Dövlət Departamentinin sözçüsü Temmi Bryus İran və ya Rusiyanın "Tramp marşrutu" (Zəngəzur dəhlizi) ilə bağlı mümkün müdaxiləsinə dair sualları cavablandırıb.

Milli.Az yerli mətbuata istinadən xəbər verir ki, o, bu barədə jurnalistlər üçün keçirilən brifinqdə danışıb.

"Müəyyən addımlar atılacağı təqdirdə nə edə biləcəyimiz və ya edə bilməyəcəyimiz barədə ehtimallar üzərində danışmaq niyyətində deyiləm. Ancaq bütün dünya Prezident Trampın məsələlərə yanaşmasını ciddiyə alır. Bu razılaşma onun üçün mühüm əhəmiyyət daşıyır", - deyə Bryus bildirib.

Temmi Bryus əlavə edib ki, Avropa İttifaqı, Fransa, Rusiya və Bayden administrasiyası dövründə ABŞ Ermənistan və Azərbaycan arasında sülhə nail olmaq üçün cəhdlər göstəriblər, lakin bu istiqamətdə irəliləyişə yalnız Donald Trampın təşəbbüsü ilə nail olunub.

Dövlət Departamentinin sözçüsü həmçinin vurğulayıb ki, Azərbaycan və Ermənistan ABŞ ilə iqtisadi sazişlər imzalayıblar və bu razılaşmalar ABŞ biznesi üçün yeni imkanlar yaradır.

Milli.Az