Dünya

Qardaşının meyitini daşıyan balaca oğlan - Bütün dünyanı ağladan FOTOnun acı tarixçəsi

12 Avqust 2025 13:30

Baxış: 697

VTB-də yüksək depozit faizleri daha çox qazandırır

II Dünya Müharibəsi illərində Yaponiyada çəkilmiş bu foto insanlıq tarixinin ən təsirli kadrlarından biridir. Şəkildəki kiçik oğlan kürəyində yorğana bükülmüş halda ölmüş körpə qardaşını daşıyır.

Bu, sadəcə bir foto deyil, həm də müharibənin uşaqlara vurduğu ən ağır zərbənin canlı şahididir.

Hadisənin qısa tarixi

1945-ci ilin avqustunda ABŞ tərəfindən Xirosima və Naqasakiyə atılan atom bombaları minlərlə insanın həyatına son qoydu.

Qlobal.net xatırladır ki, partlayışdan sağ çıxanlar isə ağır yaralanmalar, radiasiya və aclıqla mübarizə aparırdı. Fotoqraf Joe O'Donnell müharibədən sonra Yaponiyaya göndərilmişdi və atom bombasının gətirdiyi dəhşəti sənədləşdirirdi. Bu kadr Naqasakidə çəkilmişdir.

Dərin mənalı bir an

Yaponiyada, müharibə zamanı kiçik bir oğlan, kürəyində ölmüş qardaşının cəsədini daşıyırdı. O, münasib bir imkan tapanda qardaşını dəfn etməyi düşünürdü. Bir əsgər bu mənzərəni görüb ona yaxınlaşdı və dedi:

"Daha rahat hərəkət edə bilməyin üçün cəsədi yerə qoy".

Kiçik uşaq isə sakitcə cavab verdi:

"Ağır deyil... O mənim qardaşımdır!"

Bu sözləri eşidən əsgərin gözləri yaşla doldu. Bu cavab, qardaşlıq məhəbbətinin və insanlıq dəyərlərinin müharibə dəhşəti qarşısında belə necə güclü qala bildiyini göstərirdi.

Fotoşəkilin irsi

Bu təsirli kadr bu gün:

Yaponiya Sülh Muzeylərində nümayiş etdirilir.

Dünyada müharibə əleyhinə çağırışların simvoluna çevrilib.

Gələcək nəsillərə sülhün dəyərini anlatmaq üçün istifadə olunur

Milli.Az