Dünya

Qəzzada ərzaq böhranı - Acından ölənlərin sayı artdı

10 Avqust 2025 16:16
Baxış: 1 063
VTB-də minimal faiz dərəcəsi ilə nağd kredit 9.9%-dən
#DÜNYADA #FƏLƏSTİN

Qəzza zolağında davam edən ərzaq böhranı insan tələfatına səbəb olmağa davam edir.

Milli.Az xəbər verir ki, Fələstin Səhiyyə Nazirliyinin verdiyi məlumata görə, aclıq və qida çatışmazlığı nəticəsində ölənlərin ümumi sayı 217-yə yüksəlib.

Onlardan 100-nün uşaq olduğu bildirilir.

Son 24 saatda daha beş nəfər həyatını itirib

Nazirliyin açıqlamasına əsasən, son sutka ərzində Qəzza xəstəxanalarında ikisi uşaq olmaqla beş nəfər aclıqdan ölüb. Bu, bölgədə humanitar fəlakətin dərinləşdiyini bir daha göstərir.

Son iki ildə artan faciəvi statistika

Qəzza rəsmilərinin məlumatına görə, yalnız bu ilin əvvəlindən indiyədək aclıqdan ölənlərin sayı 163-ə çatıb. 2024-cü ildə bu göstərici 50 nəfər, 2023-cü ildə isə 4 nəfər olub.

Hazırda bölgədə həm ərzaq, həm də tibbi ləvazimat çatışmazlığı müşahidə olunur. Beynəlxalq təşkilatlar Qəzzada aclığın geniş miqyas almasının qarşısını almaq üçün təcili humanitar yardım çağırışları edirlər.

Kənan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.