Dünya

39 il cəza çəkən məhbusun təqsirsiz olduğu üzə çıxdı - FOTO

19 İyul 2025 14:41

Baxış: 1 618

VTB-də minimal faiz dərəcəsi ilə nağd kredit 9.9%-dən

#YAPONİYA #HƏBSXANA #MƏHKUM

39 il əvvəl baş vermiş məktəbli qızın qətlinə görə cəza çəkən yaponiyalı Şoci Maekava işin təkrar istintaqından sonra bəraət qazanıb.

Milli.Az xəbər verir ki, bu barədə NHK telekanalı məlumat yayıb.

39 il əvvəl Fukui şəhərində orta məktəb şagirdini öldürməkdə təqsirli bilinən 60 yaşlı kişinin işinə Naqoya Ali Məhkəməsinin Kanazava şöbəsində yenidən baxılıb.

Məhkəmə prosesi zamanı qətl gecəsi Maekavanı qanlı paltarda gördüklərini deyən şahidlərin ifadəsi şübhə altına alınıb. Bundan əlavə, şahidlərin ifadələrində istintaqın əvvəllər göz yumduğu yeni faktiki uyğunsuzluqlar aşkarlanıb.

Qeyd olunur ki, yekun hökmü çıxaran hakim 39 il ərzində çəkdiyi əziyyətə görə Maekavadan üzr istəyib, Maekavanın özü isə mətbuat konfransında təqsirsizliyini sübut edə bildiyinə görə özünü rahat hiss etdiyini bildirib.

Milli.Az