Dünya

İsraillə Suriya arasında savaşa səbəb olan müsəlman Druzlar kimlərdir?

17 İyul 2025 17:21

Baxış: 702

VTB-də yüksək depozit faizleri daha çox qazandırır

#DÜNYADA #SURİYA

Suriyanın cənubunda baş verən toqquşmalar, druz icması və onların regional güclərlə, xüsusilə İsraillə əlaqələrini yenidən beynəlxalq diqqətə gətirib.

Bəs druzlar kimlərdir və bölgədəki rolu nədir?

Milli.Az xəbər verir ki, son günlərdə Suriyanın druz azlığından olan bir tacirin qaçırılması, ölkənin cənubunda druzlarla sünni bədəvi qruplar arasında gərginliyi artırıb. İyulun 13-də başlayan hadisələr nəticəsində ölümcül qarşıdurmalar baş verib.

İsrailin iyulun 15-də hərbi müdaxilə elan etməsi vəziyyəti daha da dramatikləşdirib. İddialara görə, İsrail druzları qorumaq məqsədilə Sveydada hökumətyönlü qüvvələrə qarşı əməliyyat həyata keçirib. Rəsmi rəqəmlər açıqlanmasa da, 300-ə yaxın insanın həlak olduğu bildirilir.

Druzlar əsasən Suriya, Livan, İsrail və işğal altındakı Qolan Təpələrində yaşayan ərəbdilli dini azlıqdır. Onlar özlərini müsəlman azlığı hesab etsələr də, inancları 11-ci əsrdə Qahirədə Fatimi imamları tərəfindən formalaşan fəlsəfi və sufizmdən təsirlənmiş təriqətə əsaslanır.

Dini ayinlərini xüsusi məxfilik şəraitində keçirən druzlar, yalnız seçilmiş şəxslərin daxil olduğu "hikmət" (Risalətül-Hikmə) adlı müqəddəs kitablarını ictimaiyyətə açmırlar. İbadətləri müəyyən toplantı yerlərində keçirilir və icma daxilində ciddi daxili nizam mövcuddur.

İsraildə yaşayan druzlar digər ərəb azlıqlardan fərqli olaraq ölkənin hərbi xidmətində iştirak edirlər və bəzi hallarda dövlət vəzifələrində yer alırlar. Bununla belə, Qolan Təpələrində yaşayan druzların bir hissəsi İsrailin işğalını qəbul etmədikləri üçün rəsmi mövqe tutmaqdan çəkinirlər.

Fidan
Milli.Az