PUL
.jpg)
.png)
Rusiya prezidenti Vladimir Putin ölkənin təhlükəsizliyi naminə zəruri addımlar atır.
Milli.Az xəbər verir ki, bu barədə Kremlin sözçüsü Dmitri Peskov ABŞ prezidenti Donald Trampın Putini tənqid etməsi ilə bağlı keçirilən brifinqdə bildirib. O, Kiyevin Qələbə günü ərəfəsində liderləri təhdid etdiyini və pilotsuz təyyarələrlə hücum cəhdlərinin davam etdiyini vurğulayıb:
"Prezident Rusiyanın təhlükəsizliyini təmin etmək üçün bütün səylərini göstərir", - deyə Peskov qeyd edib.
Kreml sözçüsü əlavə edib ki, Moskva ABŞ-ın və Trampın Ukrayna ilə danışıqların başlamasında göstərdiyi yardımı yüksək qiymətləndirir. Bununla belə, hazırda emosional gərginliyin artdığı bir dövr yaşandığını da vurğulayıb.
Qeyd edək ki, Tramp mayın 26-na keçən gecə Putinin Ukraynadakı hərbi addımlarını tənqid edib və Rusiyaya qarşı yeni sanksiyaların tətbiq edilə biləcəyini bəyan edib. Bu açıqlama Rusiya qüvvələrinin Ukrayna ərazisində genişmiqyaslı hücumlarından sonra səsləndirilib.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.png)
