Sağlamlıq

Qadınlar bu maddədən uzaq dursun, yoxsa...

13 İyul 2025 00:36

Baxış: 2 397

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Son illər qadınlar arasında erkən menopauzaya daxil olma hallarında artım müşahidə edilir. Alimlər bunun əsas səbəbi kimi gündəlik həyatda istifadə olunan kimyəvi maddələri göstərirlər.

Milli.Az xəbər verir ki, ABŞ-də aparılan genişmiqyaslı araşdırmada 26 min qadının sağlamlıq göstəriciləri təhlil olunub. Məlum olub ki, onların qanında yüksək miqdarda aşkarlanan perfluoroalkil maddələr (PFC) menopauzanın vaxtından əvvəl başlamasına səbəb ola bilər.

Qərbi Virciniya Universitetinin Tibb Fakültəsinin alimi Dr. Sarah Knox bildirib ki, bu maddələrə uzun müddət məruz qalan qadınlarda hormonal dəyişikliklərə daha tez rast gəlinir. Onun sözlərinə görə, menopauzadan sonra qadınların bədənində bu kimyəvi maddələrin səviyyəsi daha yüksək olur. Çünki menstruasiya dövrü bitdiyinə görə orqanizmdən atılmır.

PFC maddələrinə təkcə plastik qablar və sintetik geyimlərdə deyil, həmçinin xalça, mebel, boya və təmizləyici vasitələrdə də rast gəlinir. Alimlər qeyd edir ki, bu maddələr havada, suda, heyvanlarda və bitkilərdə toplanaraq uzun müddət orqanizmdə qala bilir. Hazırda kənd yerlərində yaşayan insanlarda da bu maddələr aşkarlanır.

Mütəxəssislər qadınların sağlamlığını qorumaq üçün PFC tərkibli məhsullardan mümkün qədər uzaq durmağı tövsiyə edir.

Milli.Az