Dünya

Putin Trampı bir daha pis vəziyyətdə qoydu

17 May 2025 14:59

Baxış: 1 458

VTB-də minimal faiz dərəcəsi ilə nağd kredit 9.9%-dən

#RUSSİA #ABŞ #DONALD TRAMP #VLADİMİR PUTİN

Rusiya prezidenti Vladimir Putinin mayın 15-də İstanbulda keçiriləcək mümkün görüşə qatılmaması ABŞ prezidenti Donald Trampı məyus edib.

Milli.Az xəbər verir ki, bu barədə "The Wall Street Journal" məlumat yayıb.

Tramp bildirib ki, əgər İstanbula getsəydi, Putin də görüşə gələrdi. O, Putinin görüşdən yayınmasını danışıqların irəliləməsinə əngəl kimi qiymətləndirib:

"Putinlə görüş olmayınca heç nə dəyişməyəcək".

Nəşrin yazdığına görə, görüş ideyası ilk olaraq Putindən gəlib, Tramp isə Ukrayna Prezidenti Zelenskidən bu təşəbbüsü dəstəkləməyi xahiş edib. Lakin Putinin gəlməkdən imtina etməsi onun sülh prosesində ciddi olmadığını göstərir.

Həmçinin qeyd edilir ki, Putin Ukraynanın yeni ərazilərini işğal etməyə ümid edir və bilir ki, Kiyev yaxın vaxtlarda ABŞ silahlarını tükəndirəcək. O, döyüşləri davam etdirərkən sülhdən danışmaqla Trampı zəif və təsirsiz göstərir. Rusiyaya təzyiqin artırılması, o cümlədən Rusiya neftini alan ölkələrə qarşı dolayı sanksiyalar sülhə aparan yollardan biri ola bilər. ABŞ Maliyyə Nazirliyinin keçmiş baş iqtisadçısı Erik van Nostrand hesab edir ki, Rusiya neftinin bazardan 25% çıxarılması Kremlin gəlirlərini 20% azalda bilər.

Qeyd edək ki, Tramp bu vəziyyətdən sonra Ukraynaya hərbi dəstəyi artırmağa meyilli ola bilər.

Asya
Milli.Az