Dünya

Professordan güclü zəlzələ xəbərdarlığı - İki qorxulu versiya var

24 Aprel 2025 13:23

Baxış: 1 111

VTB-də minimal faiz dərəcəsi ilə nağd kredit 10.49%-dən

#DÜNYADA #TÜRKİYƏ #ZƏLZƏLƏ

İstanbulun Silivri sahillərində baş verən zəlzələ təşviş doğurub və "bu, gözlənilən böyük zəlzələ idi?" sualını yenidən gündəmə gətirib. Baxışlar bir daha Mərmərə dənizinə yönəlib. Almaniyanın tanınmış seysmoloqlarından professor Marko Bonhoff baş verə biləcək iki qorxulu ssenarini açıqlayıb.

Milli.Az xəbər verir ki, Potsdamdakı Alman Yer Elmləri Araşdırma Mərkəzindən (GFZ) Prof. Bonhoff "DW Türkçe"yə müsahibə verib.

Bonhoffa görə ilk ssenari 6,2 bal gücündəki zəlzələnin əsas zəlzələ olduğu və bundan sonra baş verəcək təkanların tədricən azalacağı ehtimalını əhatə edir. İkinci ssenari isə əslində hələ böyük zəlzələnin baş vermədiyini və bu silkələnmənin onun xəbərçisi ola biləcəyini bildirir.

Mütəxəssis bu ikinci ssenaridə gözlənilən böyük zəlzələnin 7,4 bala qədər çata biləcəyinə diqqət çəkərək bildirib: "Bu, Marmarada uzun müddətdir gözlənilən böyük zəlzələnin reallaşması demək olar. Amma bu ssenarilərdən hansının doğru olduğunu bu gündən bilmək mümkün deyil."

Bonhoffun fikrincə 6,2 ballıq zəlzələ Marmara fay xəttindəki gərginliyi İstanbul istiqamətinə doğru sürüşdürüb və bu, şəhərə daha yaxın ərazidə yeni zəlzələnin ehtimalını artırır. Lakin "nə vaxt?" sualının cavabı hələ də bəlli deyil.

Alman mütəxəssis sonrakı günlərdə, hətta həftələrdə afterşokların davam edəcəyini gözlədiyini deyib, lakin bu təkanların əsas zəlzələdən zəif olacağını və "çox güman ki, 5 balı keçməyəcəyini" vurğulayıb.

İsmayıl
Milli.Az