Dünya

İlin FOTOsu seçildi

17 Aprel 2025 17:55

Baxış: 1 240

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #QƏZZA

2025-ci ilin "İlin mətbuat fotosu" mükafatı "The New York Times" qəzetinin fotojurnalisti Samar Abu Elouf-a təqdim edilib.

Milli.Az xəbər verir ki, mükafata layiq görülən bu təsirli fotoşəkildə İsrailin Qəzzaya hücumları zamanı qollarını itirmiş 9 yaşlı fələstinli Mahmud Ajjourun portreti əks olunub.

Şəkil "Doqquz yaşlı" adlanır.

Fotoqraf Samar Abu Elouf müsahibəsində Mahmudun anasının söylədiyi ürəkyandıran sözləri belə xatırlayıb: "Qollarının kəsildiyini anlayanda Mahmudun dediyi ilk söz 'Səni necə qucaqlayacağam?' olub".

Qolu amputasiya olunan Mahmud hücumlar zamanı yaralanmış on minlərlə insan kimi Qətərin paytaxtı Dohaya müalicə üçün təxliyə olunub. Fotoqraf Abu Elouf-un da Qəzzadan olduğu və hazırda Dohada yaralı fələstinlilərin fotoşəkillərini çəkdiyi bildirilib.

Münsiflər heyəti qalib fotonu "yüksək səslə danışan səssiz foto" kimi qiymətləndirib. Ümumdünya Mətbuat Foto Fondunun icraçı direktoru Joumana El Zein Khoury isə bu fikirləri bildirib: "Bu şəkil təkcə bir uşağın hekayəsini deyil, nəsillər boyu davam edəcək bir müharibənin ağrısını əks etdirir".

Milli.Az