Dünya

Uitkoff Ukraynada müharibənin necə başa çata biləcəyini açıqladı

12 Aprel 2025 08:05
Baxış: 843
VTB-də minimal faiz dərəcəsi ilə nağd kredit 9.9%-dən
#RUSİYA-UKRAYNA MÜHARİBƏSİ

Ukraynada atəşkəsə nail olmağın ən sürətli yolu Rusiyanın 2022-ci ildə qanunsuz olaraq ilhaq etməyə çalışdığı dörd şərqi Ukrayna regionu üzərində mülkiyyət hüququnu Rusiyaya verən strategiyanı dəstəkləməkdir.

Milli.Az report-a istinadən xəbər verir ki, bu fikri ABŞ Prezidenti Donald Trampa onun xüsusi elçisi Stiven Uitkoff bildirib.

Vəziyyətlə tanış olan mənbələrin məlumatına görə, görüşdə iştirak edən Trampın Ukrayna üzrə xüsusi elçisi Kit Kelloq Uitkoffla razılaşmayıb.

Reuters qeyd edib ki, Kelloq Kiyevin mübahisəli torpaqlarla bağlı bəzi şərtlər üzrə danışıqlar aparmağa hazır olmasına baxmayaraq, bu ərazilərin tam mülkiyyət hüququnu Rusiyaya birtərəfli qaydada verməyə heç vaxt razı olmayacağını israr edib. Görüş Trampın ABŞ strategiyasında dəyişiklik etmək barədə qərarı olmadan başa çatıb.

Mart ayının ortalarında Kelloqun Rusiyanın onu "ukraynayönümlü" hesab edərək iştirakçılar arasında görmək istəməməsindən sonra müharibənin dayandırılması ilə bağlı yüksək səviyyəli danışıqlardan kənarlaşdırıldığı bildirilmişdi.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.