Dünya

Zelenski: Ukraynanın 10 “Patriot” HHM sistemnə ehtiyacı var

12 Aprel 2025 06:33
Baxış: 842
VTB-də minimal faiz dərəcəsi ilə nağd kredit 9.9%-dən
#RUSİYA-UKRAYNA MÜHARİBƏSİ

Ukraynanın 10 ədəd "Patriot" hava hücumundan müdafiə (HHM) sisteminə ehtiyacı var.

Milli.Az report-a istinadən xəbər verir ki, bu barədə Ukrayna Prezidenti Volodimir Zelenski ölkənin müdafiəsi üzrə təmas qrupunun ("Ramştayn" formatı) 27-ci iclasının iştirakçılarına müraciətində bildirib.

"Bu gün sizinlə Krivoy Roqdan danışıram. Bu şəhər demək olar daimi hava hücumu həyəcanı siqnalı ilə yaşayır - pilotsuz uçuş aparatları və ya Rusiya raketlərinə görə. Ən təhlükəli təhdid ballistik raketlərdir... Bizim insanlarımız, uşaqlarımız bir çox şəhərlərdə və kəndlərdə hücuma məruz qalır. Dnepr, Krivoy Roq, Nikopol, Poltava, Nikolayev, Zaporojye, Sumı, Xarkov, Odessa, Çerniqov və bir çox başqa şəhərlər. Onların hamısının Rusiya raketlərindən müdafiə olunmağa ehtiyacları var. Bilirsiniz ki, Ukraynanın hava hücumundan müdafiə sistemləri ilə bağlı çatışmazlığı var. Və bilirsiniz ki, "Patriot" sistemi ballistic təhdiddən effektiv qorunma təmin edə bilər", - o deyib.

Dünya liderlərinə müraciət edən Zelenski vurğulayıb ki, Ukrayna müxtəlif şəhərlərə ən azı müvəqqəti mühafizə təmin etmək üçün mövcud sistemləri ölkə daxilində hərəkət etdirməyə, daşımağa məcburdur.

O, liderlərdən ilk növbədə Ukraynanın hava hücumundan müdafiəsinə diqqət yetirməyi xahiş edib.

"On "Patriot" sistemi - azad dünyada bunlar var. İndi onların sülhün xeyrinə işlədilməsi üçün siyasi qərarlar lazımdır. Bizə nəticə lazımdır", - dövlət başçısı vurğulayıb.

Prezident həmçinin xatırladıb ki, bu gün Rusiyanın ABŞ-nin tam və qeyd-şərtsiz atəşkəs təklifini rədd etməsindən düz bir ay keçir və müharibənin yeganə səbəbkarının Rusiya Federasiyası olduğu tamamilə aydındır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.