Dünya

Etimadı gücləndirirlər: Rusiya və ABŞ məhbusları dəyişdilər

10 Aprel 2025 20:06

Baxış: 734

VTB-də minimal faiz dərəcəsi ilə nağd kredit 9.9%-dən

#DÜNYADA #RUSİYA #ABŞ

Rusiya və ABŞ aprelin 10-da səhər Əbu-Dabidə iki ölkə arasında etimadı gücləndirmək siyasəti çərçivəsində əsirləri dəyişdirib.

Milli.Az xəbər verir ki, bu barədə ABŞ Mərkəzi Kəşfiyyat İdarəsinin direktoru Con Ratkliffə istinadən "Wall Street Journal" məlumat yayıb.

Məlumata görə, Rusiya ABŞ və Rusiya vətəndaşı Kseniya Karelinanı azad edib. 2024-cü ildə o, ABŞ-dakı Ukrayna təşkilatına 100 dollardan az pul köçürdüyünə görə vətənə xəyanətdə təqsirli bilinərək Rusiyada ciddi rejimli həbsxanada 12 il müddətinə azadlıqdan məhrum edilib. Rusiya FSB bəyan edib ki, bu vəsait Ukrayna Silahlı Qüvvələrinin əsgərləri üçün avadanlıq, sursat və digər əşyaların alınmasına sərf edilib.

Birləşmiş Ştatlar öz növbəsində 2023-cü ilin avqustunda Kiprdə Amerika hakimiyyətinin tələbi ilə Rusiya ordusuna silah istehsalı üçün nəzərdə tutulan mikroelektronika ixracına görə saxlanılan Almaniya və Rusiya vətəndaşı Artur Petrovu azad edib. Ümumilikdə ona 11 maddə üzrə ittiham irəli sürülüb./publika.az

Milli.Az