Dünya

Rusiya Azərbaycana “Rus evi” ilə bağlı təkliflər təqdim edib

20 Mart 2025 19:52

Baxış: 1 400

VTB-də minimal faiz dərəcəsi ilə nağd kredit 9.9%-dən

#RUSİYA #XARİCİ İŞLƏR NAZİRLİYİ

Rusiya Bakıdakı "Rus evi" ətrafında yaranmış vəziyyətin həlli ilə bağlı təkliflərini Azərbaycan tərəfinə çatdırıb və konstruktiv qarşılıqlı yanaşma gözləyir.

Milli.Az Trend-ə istinadla xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.

"Mövcud vəziyyətin həlli ilə bağlı (Bakıdakı Rus evi ətrafında) təkliflərimiz tərəfdaşlarımıza çatdırılıb. Biz Azərbaycan tərəfinin konstruktiv yanaşmasına və hansısa kompromis həllin tezliklə əldə olunmasına ümid edirik", - deyə o, fikrini yekunlaşdırıb.

Xatırladaq ki, Rusiyaya məxsus informasiya-mədəniyyət mərkəzi - Azərbaycandakı "Rossotrudniçestvo" nümayəndəliyi olan "Rus evi"nin hüquqi şəxs kimi qeydiyyatdan keçmədiyi və Azərbaycanın qanunvericiliyini pozduğu barədə Rusiya tərəfi məlumatlandırıldıqdan sonra, 3 fevral 2025-ci ildə Rusiya tərəfinə "Rus evi"nin fəaliyyətinin dayandırılması ilə bağlı nota göndərilib.

Milli.Az