Dünya

Meksikada avtobus qəzası - 25 nəfər həlak oldu

11 Mart 2025 08:55

Baxış: 336

#MEKSİKA

Meksikanın Oaxaka və Duranqo ştatlarında baş verən iki ayrı avtobus qəzası nəticəsində azı 25 nəfər ölüb.

Milli.Az Trend-ə istinadən xəbər verir ki, bu barədə Oaxaka ştatı hökumətinin X səhifəsində dərc olunan bəyanatında deyilir.

Bazar ertəsi səhər saatlarında Mitla-Tehuantepek magistralında, Santo-Dominqo-Narro şəhərinin yaxınlığında avtobusun aşması nəticəsində 11 nəfər həyatını itirib, 12 nəfər isə yaralanaraq xəstəxanaya yerləşdirilib.

Bundan əlavə, Duranqo ştatında 24 sərnişini daşıyan avtobus qoşqulu traktorla toqquşub. Milenio nəşrinin məlumatına görə, qəza zamanı avtobus alovlanıb və nəticədə 14 nəfər həlak olub. Avtobus ABŞ-ın Texas ştatındakı MakAllen şəhərindən gedirdi.

Milli.Az