PUL
.png)
.jpg)
.png)
.jpg)
.png)
Belarus prezidenti Aleksandr Lukaşenko Minskin Rusiya prezidenti Vladimir Putin, ABŞ prezidenti Donald Tramp və Ukrayna prezidenti Vladimir Zelenski arasında sülh danışıqlarını təşkil etməyə hazır olduğunu bildirib.
Milli.Az xəbər verir ki, Lukaşenko bu barədə amerikalı bloger Mario Naufalla müsahibəsində danışıb.
Lukaşenko Trampın və digər dünya liderlərinin Belarusa gəlməsini təklif edərək, "Gəl burada oturaq, sakit, səs-küysüz, qışqırmadan, razılaşarıq" deyib. O, Trampa birbaşa çağırış edərək, "Mən onu burada Putin və Zelenski ilə gözləyirəm, oturub sakitcə razılığa gələcəyik, əgər razılığa gəlmək istəyirsinizsə" ifadəsini işlədib.
Bu təklif dünyada geniş müzakirələrə səbəb olacaq bir danışıqlar prosesinin başlanğıcı ola bilər.
Xatırladaq ki, fevralın 28-də ABŞ və Ukrayna prezidentləri arasında yaranan mübahisə nəticəsində Ağ Ev Kiyevə hərbi yardımı dayandırmışdı. Martın 4-də Vladimir Zelenski X sosial şəbəkəsində Donald Trampla görüşün gözlənildiyi kimi keçmədiyini qeyd edib və Ukraynanın uzunmüddətli sülhü yaxınlaşdırmaq üçün tezliklə danışıqlara başlamağa hazır olduğunu vurğulayıb.
Fidan
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
