Dünya

Makron rəssamı məhkəməyə verdi

16 Fevral 2025 12:10
Baxış: 875
VTB-də minimal faiz dərəcəsi ilə nağd kredit 9.9%-dən
#MƏHKƏMƏ #FRANCE #RƏSSAM

Fransa Prezidenti Emmanuel Makron onu başı kəsilmiş şəkildə təsvir edilən bir rəsm əsərinin müəllifini məhkəməyə verib.

Milli.Az oxu.az-a istinadən xəbər verir ki, bu barədə fransız qəzeti "Le Monde" məlumat yayıb.

Qəzet qeyd edir ki, şikayət "hər hansı bir nəticə olmadan insan həyatına və ya fiziki toxunulmazlığına qəsdən zərər vurmaq" ittihamı ilə qaldırılıb.

Qvadelupa şəhərində keçirilən "Xlordekona Məruz Qalanlar" sərgisində nümayiş etdirilən rəsmdə Makrona bənzəyən bir insanın kəsilmiş başını əlində tutan qaradərili bir kişi təsvir edilib. Əsər xlordekonla bağlı cinayət işinə həsr olunub. Bu pestisid illər boyu banan biti ilə mübarizə üçün istifadə edilib. Nəticədə, Qvadelupa və Martinikada əhalinin xəstəliklərinə səbəb olub. 2023-cü ildə məhkəmə 16 illik mübahisələrdən sonra iddianı rədd edib.

Rəsm əsərinin müəllifi Fransua Mulen bildirib ki, bu əsərin yaradıcısı olmaq onun üçün böyük şərəfdir. Rəssam əlavə edib ki, Makron xlordekonla bağlı qalmaqalı tam olaraq tanımaqdan imtina edən hakimiyyətin nümayəndəsidir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.