Dünya

Konqoda kilsədə 70-dən çox qaçırılmış insanın meyiti aşkarlanıb

16 Fevral 2025 09:21

Baxış: 624

VTB-də minimal faiz dərəcəsi ilə nağd kredit 10.49%-dən

#DÜNYADA #AFRİKA

Konqo Demokratik Respublikasının (KDR) şərqində, Şimali Kivu əyalətinin Mayba kəndindəki kilsədə 70-dən çox meyit aşkar edilib.

Milli.Az xəbər verir ki, bu barədə ölkənin "Okapi" radiostansiyası məlumat yayıb.

Qeyd olunub ki, söhbət üç gün əvvəl Lubero rayonunda yaraqlılar tərəfindən qaçırılmış şəxslərdən gedir. Radiostansiyanın məlumatına görə, öldürülənlər arasında qadınlar, uşaqlar və yaşlı insanlar var.

Hakimiyyət orqanları qətllərdə "Demokratik Qüvvələr İttifaqı" (DQİ) ekstremist qruplaşmasının döyüşçülərinin əli olduğunu düşünür. Bu qruplaşma 1995-ci ildə Uqandada yaradılıb. 2003-cü ildə Uqanda silahlı qüvvələrinin zərbələri altında DQİ dəstələri geri çəkilərək KDR-in şərq bölgələrində gizləniblər və burada hərbi və mülki obyektlərə mütəmadi hücumlar edirlər. "Report"

Milli.Az