Dünya

Con Kennedinin qardaşı oğlu ABŞ-də nazir oldu

14 Fevral 2025 00:10
Baxış: 811
VTB-də minimal faiz dərəcəsi ilə nağd kredit 9.9%-dən
#ABŞ

ABŞ Senatı fevralın 13-də Robert Kennedinin ABŞ Səhiyyə və İnsan Xidmətləri Departamentinin (Səhiyyə Nazirliyi) rəhbəri vəzifəsinə namizədliyini təsdiqləyib.

Milli.Az xəbər verir ki, CNN-in məlumatına görə, bu qərarın lehinə 52 senator, əleyhinə isə 48 konqresmen səs verib.

Respublikaçı prezident Donald Trampın təklif etdiyi Kennedinin namizədliyi bütün Demokrat senatorlar, həmçinin Respublikaçılar Partiyasının Senatdakı keçmiş lideri, respublikaçı Mitç Makkonnell tərəfindən rədd edilib.

"Reuters" xəbər verir ki, konqresmenlər iki günlük dinləmələrdən sonra 71 yaşlı Kennedini səhiyyə naziri vəzifəsinə təsdiq ediblər.

Demokratlar Kennedini həyat qurtaran dərmanlara şübhə yaratmaq üçün sui-qəsd nəzəriyyələri yaymaqda və peyvəndlərlə mübarizədə maddi marağa malik olmaqda ittiham ediblər. Kennedi isə bu iddiaları rədd edərək mövcud peyvənd proqramlarını qoruyacağına söz verib.

Qeyd edək ki, Kiçik Robert Kennedi ABŞ-ın 35-ci prezidenti Con Kennedinin qardaşı oğludur.

Peyvənd əleyhdarı kimi tanınan Kennedi "Covid" peyvəndinə fəal şəkildə qarşı çıxaraq bu peyvəndin ölümlərə səbəb olduğunu iddia edib.

Kennedinin səhiyyə naziri vəzifəsinə təyin edilməsinə 77 Nobel mükafatçısı, tibb ictimaiyyətinin üzvləri və hətta əmisi oğlu Karolin Kennedi də daxil olmaqla, öz ailəsinin bəzi üzvləri də qarşı çıxıb. /APA

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.