Dünya

Trampın Qəzza planını Netanyahu hamıdan əvvəl bilirmiş...

8 Fevral 2025 18:44
Baxış: 1 203
VTB-də minimal faiz dərəcəsi ilə nağd kredit 9.9%-dən
#İSRAİL #YAXIN ŞƏRQ #DONALD TRAMP #FƏLƏSTİN

İsrailin baş naziri Benyamin Netanyahu ABŞ prezidenti Donald Trampın Qəzza zolağı ilə bağlı planını Ağ Evdəki açıqlamadan əvvəl bildiyini deyib.

Milli.Az xəbər verir ki, Netanyahu bu barədə İsrailin "Kanal 14" televiziyasına müsahibə verib.

O, İsrailin hücumları bitdikdən sonra Qəzzaya dair planın nə olacağı sualının tez-tez gündəmə gətirildiyini bildirib: "İsrailin Qəzzaya hücumları bitdikdən sonra davamlı olaraq danışıqlar gedirdi və bu müstəvidə Tramp tamamilə fərqli və yeni ideya ilə gəldi".

Netanyahu Trampın Qəzza planının ümumi məlumatlarını Ağ Evdə elan etməmişdən əvvəl bildiyini, dünyanın qalan hissəsinin isə buna təəccübləndiyini deyib.

Xatırladaq ki, Tramp Ağ Evdə qəbul etdiyi Netanyahu ilə birgə mətbuat konfransında ABŞ-ın Qəzza zolağını nəzarətə götürəcəyini bildirmişdi. O, fələstinlilərin Qəzzanı tərk etməkdən başqa çarələrinin olmadığını bildirmişdi. /Publika.az

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.