Dünya

"İsrail Qəzza zolağını ABŞ-yə təhvil verəcək"

6 Fevral 2025 20:50

Baxış: 1 355

VTB-də minimal faiz dərəcəsi ilə nağd kredit 9.9%-dən

#İSRAİL #ABŞ #QƏZZA

ABŞ prezidenti Donald Tramp İsrail-Fələstin münaqişəsi ilə bağlı qalmaqallı açıqlamalar verməyə davam edir.

Milli.Az xarici matbuata istinadən xəbər verir ki, Ağ Evdə İsrailin baş naziri Binyamin Netanyahu ilə keçirdiyi birgə mətbuat konfransında "Qəzzanı ələ keçirəcəyik" ifadəsini işlədən Tramp beynəlxalq ictimaiyyətin ciddi etirazı ilə qarşılaşıb.

Açıqlamaları böyük qəzəb doğuran Tramp bu məsələdə mövqeyindən dönmək niyyətində deyil. O, bu gün verdiyi yeni bəyanatında "İsrail münaqişə bitdikdən sonra Qəzzanı ABŞ-a təslim edəcək. ABŞ isə bölgədə yavaş-yavaş və ehtiyatla tikinti aparacaq" sözlərini işlədib.

Tramp Qəzzada ABŞ əsgərlərinin yerləşdirilməyəcəyini və bölgədə yaşayan fələstinlilərin "daha təhlükəsiz bir yerə köçürüləcəyini" bildirib. Bu açıqlamalar xüsusilə müsəlman ölkələri tərəfindən sərt reaksiya ilə qarşılanıb.Trampın planına ilk cavab Türkiyənin xarici işlər naziri Hakan Fidandan gəlib. Nazir Fidan, "Bu, qəbuledilməz bir məsələdir. Fələstin problemi məhz bu səbəbdən başladı. Fələstinlilərin Qəzzadan çıxarılması müzakirəyə açıq ola bilməz" deyə bildirib.

Trampın mübahisəli planı qlobal siyasətdə gərginliyi artırmağa davam edir.

Fidan
Milli.Az