Dünya

Makron dövlət çevrilişinə hazırlaşır

4 Fevral 2025 09:40

Baxış: 1 358

VTB-də minimal faiz dərəcəsi ilə nağd kredit 9.9%-dən

#DÜNYADA #FRANSA

Fransanın "Vətənpərvərlər" partiyasının lideri Florian Filippo ölkə prezidenti Emmanuel Makronun fəaliyyətini sərt tənqid edərək onu dövlət çevrilişinə hazırlaşmaqda ittiham edib.

Milli.Az xəbər verir ki, bu barədə o özünün sosial şəbəkə hesabında yazıb.

Bu cür bəyanata səbəb "France Info" qəzetində dərc edilmiş məqalə olub. Məqalədə Riçard Ferranın Fransanın Konstitusiya Şurasının sədri təyin edilməsindən sonra Makronun üçüncü prezidentlik müddətinə namizədliyini irəli sürə biləcəyi qeyd edilib.

Filippo vurğulayıb ki, Ferran artıq dəfələrlə prezident üçün üçüncü müddətə qadağanın ləğv edilməsinin zəruriliyi barədə danışıb. Lakin bunun üçün müvafiq qanunvericilik qadağasının ləğv edilməsi lazımdır.

Filippo hesab edir ki, Ferranın Konstitusiya Şurasına təyin edilməsi hazırkı prezidentin ölkədə hakimiyyəti ələ keçirmək planının bir hissəsidir.

"Bəli, Ferran 3-cü müddətə qadağanı ləğv etmək istəyir, o artıq bunu deyib! O bu barədə çox tez-tez danışır. Onun təyin edilməsi heç də təsadüfi deyil! Makron öz dövlət çevrilişinə hazırlaşır", - deyə Filippo yazıb.

Fransız siyasətçi Makronun son hərəkətlərinə görə dərhal vəzifəsindən kənarlaşdırılmasını tələb edib.(oxu.az)

Milli.Az