PUL
.png)
Nigeriyanın Lagos şəhərindən ABŞ-ın Virginia ştatında yerləşən Vaşinqton Dulles Beynəlxalq Hava Limanına uçan United Airlines hava yollarına məxsus təyyarədə nasazlıq yaranıb, Nəticəsində dörd sərnişin və iki heyət üzvü xəsarət alıb.
Milli.Az xəbər verir ki, bu barədə United Airlines məlumat yayıb.
Sərnişinlər tərəfindən çəkilən videoda təyyarə içərisində xaos müşahidə olunur, yemək qabları, qidalar və digər əşyalar təyyarənin döşəməsinə səpələnmiş vəziyyətdədir.
613 nömrəli uçuş Lagosdan təcili eniş edib, burada xəsarət alan altı nəfər yaxınlıqdakı xəstəxanaya aparılıb. United Airlines-ın sözçüsü Leslie Scott CNN-ə bildirib ki, yaralılar artıq xəstəxanadan buraxılıb.
Uçuş zamanı qəfil hərəkətin səbəbi hələ də məlum deyil; United Airlines hadisənin güclü türbülansdan qaynaqlanmadığını və ABŞ və Nigeriya aviasiya hakimiyyətləri ilə səbəbi araşdırdıqlarını bildirib.
FlightRadar24-dən əldə edilən uçuş məlumatları göstərir ki, 613 nömrəli uçuş havaya qalxdıqdan təxminən 93 dəqiqə sonra kruiz hündürlüyündən qəfil eniş edib.
Eyni təyyarənin çərşənbə axşamı Lagosdan Vaşinqton Dulles Hava Limanına uçarkən də başqa bir qəza ilə üzləşdiyi və başqa yerə yönləndirildiyi məlum olub. FlightRadar-ın məlumatlarına əsasən, həmin uçuş təxminən 89 dəqiqə sonra 305 metr sürətli eniş edib. UA613-ün bu iki yönləndirilməsinin bir-biri ilə bağlı olub-olmadığı hələlik məlum deyil.
Cümə günü baş tutan uçuşda 245 sərnişin, səkkiz uçuş bələdçisi və üç pilot olub. United Airlines hazırda sərnişinlərin başqa reyslərə yerləşdirilməsi üzərində işlədiyini bildirib.
Lalə Qüdrətova
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.png)
