PUL
.jpg)
.png)
ABŞ prezidenti Donald Tramp ölkənin Gizli Xidmətinin rəhbəri vəzifəsinə onu Pensilvaniya ştatında sui-qəsd cəhdi zamanı qoruyan Şon Karranı təyin edib.
Milli.Az xəbər verir ki, bu barədə Amerika lideri "Truth Social" sosial şəbəkəsində bildirib.
"Şon Karranı Amerika Birləşmiş Ştatlarının Gizli Xidmətinin növbəti direktoru təyin etmək mənim üçün böyük şərəfdir", - deyə Tramp yazıb.
Onun sözlərinə görə, Karran hüquq-mühafizə orqanlarında 23 illik iş təcrübəsinə malikdir - o, 2001-ci ildə ABŞ Gizli Xidmətində işə başlayıb.
"O, Pensilvaniya ştatının Batler şəhərində öz həyatını riskə ataraq məni qatilin gülləsindən xilas etməklə qorxmazlığını sübut etdi. Mən tam əminəm ki, Şon Amerika Birləşmiş Ştatlarının Gizli Xidmətini əvvəlkindən daha güclü edəcək", - deyə Tramp qeyd edib.
Xatırladaq ki, 2024-cü il iyulun 13-də Batlerdə seçki mitinqi zamanı Trampa atəş açılıb. O, yüngül yaralanıb, qulağı zədələnib. Atəş açan - 20 yaşlı amerikalı Tomas Mətyu Kruks Gizli Xidmət əməkdaşları tərəfindən öldürülüb. Sui-qəsd cəhdindən sonra Kimberly Çitl xidmətin direktoru vəzifəsindən istefa verib, onu müvəqqəti olaraq Ronald Rou əvəz edib. /report.az
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
