PUL
.jpg)
.png)
ABŞ Prezidenti Donald Tramp "darknet"dəki "Silk Road" ticarət platformasının qurucusu, ömürlük həbs cəzasına məhkum edilmiş Ross Ulbrixti əfv edib.
Milli.Az oxu.az-a istinadən xəbər verir ki, Tramp bu barədə "Truth Social" sosial şəbəkəsində yazıb.
"İndicə Ross Uillyam Ulbrixtin anasına zəng edərək ona bildirdim ki, onun və məni bu qədər güclü dəstəkləyən Libertarian hərəkatının şərəfinə oğlu Rossu tam və qeyd-şərtsiz əfv etməkdən məmnun oldum", - deyə paylaşımda qeyd olunub.
O, həmçinin Rossun məhkum edilməsi üzərində işləyən insanların hökumətin Trampa qarşı silahlanmasına da cəlb olunduqlarını bildirib.
"Ona iki ömürlük həbs cəzası, üstəgəl, 40 il verdilər. Gülməlidir!", - deyə o əlavə edib.
Qeyd edək ki, "Silk Road" psixoaktiv maddələrin, digər qeyri-qanuni mal və xidmətlərin yayılması üçün anonim ticarət platforması olub. Sayt "Tor" gizli xidməti kimi fəaliyyət göstərib, ödəniş vasitəsi kimi isə "Bitcoin" elektron valyutasından istifadə edilib.
Ross "Forbes" jurnalına müsahibəsində saytın yaradıcısı olmadığını və "Silk Road"ı orijinal müəllifdən aldığını iddia edib. Məhkəmə iddiasında əsl müəllif kimi "Mt.Gox" "bitcoin" birjasının qurucusu Mark Karpeles göstərilsə də, FTB-nin hesabatına görə, məhz Ross mağazanı yaradıb və işlədib.
2 oktyabr 2013-cü ildə Ross ("Dread Pirate Roberts") San-Fransisko kitabxanasında həbs edilib. 20 may 2015-ci ildə Ross xüsusilə külli miqdarda narkotik ticarətində, həmçinin pulların yuyulması məqsədilə sövdələşmədə və haker fəaliyyətində təqsirli bilinib. Yekun hökm 2 ömürlük həbs cəzası, həmçinin ayrı-ayrı epizodlara görə 20, 15 və 5 il həbs cəzasından ibarət olub.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
