Dünya

ABŞ-li aparıcıdan maraqlı ifadə: "Kanadanı işğal etmək istəyirəm" - FOTO

8 Yanvar 2025 18:18

Baxış: 869

VTB-də minimal faiz dərəcəsi ilə nağd kredit 9.9%-dən

#ABŞ #KANADA

ABŞ-nin "Fox News" telekanalının aparıcısı Cessi Uotters qəribə və maraqlı bir ifadə səsləndirib.

Oxu.Az-ın xəbərinə görə, bu barədə "Media Matters" portalında dərc olunan yazıda bildirilir.

Cessi Uotters telekanalın efirində Kanadanı işğal etmək və bununla da "imperialist susuzluğunu yatırmaq" istədiyini söyləyib.

"Onların (Kanadanın - red.) bizim onları ələ keçirməyimizi istəməmələri məndə işğal istəyi yaradır. Mən imperialist susuzluğumu yatırmaq istəyirəm", - deyə o bildirib.

Qeyd edək ki, yanvarın 8-də ölkənin yeni seçilmiş prezidenti Donald Tramp özünün "Truth Social" səhifəsində Kanadanın ABŞ-yə birləşdiyini əks etdirən iki xəritə dərc edib. O, bununla Kanada ABŞ-yə birləşdirilərsə, ölkənin necə görünəcəyini göstərmək istəyib.

Dərc edilən ilk xəritədə Kanada ərazisi ABŞ bayrağının rənglərinə, ikinci xəritədə isə ABŞ ilə eyni rəngə boyanıb və üzərində "Amerika Birləşmiş Ştatları" yazılıb.

Xatırladaq ki, yanvarın 6-da Tramp Kanadanın Baş naziri Castin Trüdo istefa verəcəyini bəyan etdikdən sonra ölkəni 51-ci ştat olaraq ABŞ-yə qoşulmağa dəvət edib.

Vurğulayaq ki, Tramp bu barədə əvvəllər də dəfələrlə yarızarafat, yarıciddi paylaşımlar edib və Trüdo ilə öz malikanəsindəki görüşündə də bu məsələdən bəhs edilib.

Milli.Az